Ahlamontada 
أشوف الحزن بعيونك بداية رحلة الاسرار
علامك ليش متغير؟حبيبي قول وشلونك
إذا كان السبب مني تكلم لك علي أعذار
أنا ما اعتقد يخطي فؤادي بنظرة ويخونك
سكوتك زاد في يأسي واحس بخافقي ينهار
وانا كلي أرض عطشى تمنت رشة مزونك
تكلم قول لاتخبي ترى قلبي معك محتار
أخاف الناس قالوا لك كلام يزيد بظنونك
عطيتك يومي وامسي يمين بدنيتك ويسار
غريبة كيف تتغير وتحرق قلب مضنونك
دخيلك لاتحيرني تكلم واكسر الاسوار
أخاف الصمت يبعدني واعيش العمر من دونك
تمنيتك أمل عاشق رفضت انك بحر غدار
تمنيتك بحر وافي وانا ربان فعيونك
علامك ليش مهملني وفي رفك انا تذكار
اذا كان الهدف بعدي انا حاضر وممنونك
رجاي توضح أسبابك سكوتك زاد بي أفكار
اذا ناوي هوى غيري عسى رب السما يصونك
أنا راحل مع جروحي وبنسى كل ما قد صار
وانا واثق بترجع لي بيوم وتسأل اشلونك؟
دمــ×ـــتم بــ×ــود
.gif)